کدھر: معمولی تلخ کلامی پر افغان پٹھانوں کے حملے میں ایک پنجابی جاں بحق

منڈی بہاءالدین: پنجاب پولیس میں مثبت چہرہ رکھنے والی ہر دلعزیز شخصیت یاسر عرفات شدید زخمی جبکہ ان کا کزن صنم ضیاء زخموں کی تاب نہ لاتے ہوئے جان کی بازی ہار گیا۔

تھانہ کٹھیالہ شیخاں کی حدود میں معمولی تلخ کلامی پر افغانیوں نے انتہائی سفاکیت اور درندگی کا مظاہرہ کرتے ہوئے باپ بیٹوں پر حملہ کردیا جبکہ ہمسائے چھڑانے آئے تو ان پر جان لیوا وار کیے گئے جس میں باپ بیٹوں سمیت متعدد افراد زخمی ہو گئے۔

انہی افراد میں پنجاب پولیس کے ہونہار پولیس اہلکار یاسر عرفات بھی شامل ہیں۔ ڈی پی او منڈی بہاءالدین سے نوٹس لے کر ملزمان کیخلاف سخت کارروائی کرنے کی اپیل ہے۔

تفصیلات کے مطابق کدھر شریف میں قتل کی افسوسناک واردات پیش آئی گزشتہ روز تھانہ کٹھیالہ شیخاں کے علاقے کدھر میں ڈیرہ مبارک پر افغانی پٹھانوں نے معمولی تلخ کلامی پر باپ سمیت چار بھائیوں اور ان کے دو کزنوں کو آہنی راڈوں اور بیلچوں کے وار کر کے شدید زخمی کردیا تھا جن میں سے صنم ضیا ولد محمد نواز کو حالت خراب ہونے پر لاہور ریفر کر دیا گیا جو آج زخموں کی تاب نہ لاکر وفات پا گیا ۔

زرائع کے مطابق مبینہ طور پختون پارٹی نے مقتول کے والد سے چھت کے پرانے گارڈر اور ٹی آر خرید کی تھیں جن کو وہ چھت سے اتار رہے کہ ایک لوہے کی کھڑکی پر تلخ کلامی ہوئی کہ یہ فروخت نہیں کی گئی جس پر ملزمان نے طیش میں کر چھ افراد کو شدید زخمی کردیا جن میں مقتول صنم بھی شامل ہے ملزمان وقوعہ کے بعد موقع سے فرار ہونے میں کامیاب ہو گئے ۔ مقدمہ درج کرلیا گیا۔