منڈی بہاؤالدین: پاکستان تحریک انصاف کے حلقہ پی پی 68 سے امیدوار قمر خان نے پارٹی چھوڑنے کا اعلان کردیا۔ قمر خان نے شہداء کی یادگاروں اور دفاعی تنصیبات پر حملے کی شدید مذمت کرتے ہوئے کہا کہ پاک فوج اس ملک کی محافظ ہے اور ہم اس کے ساتھ کھڑے ہیں۔
قمر خان نے 9 مئی کے واقعات کی شدید مذمت کرتے ہوئے مزید کہا کہ آئندہ کا سیاسی لائحہ عمل حامیوں کی مشاورت سے طے کیا جائے گا۔
دوسری جانب پاکستان تحریک انصاف (پی ٹی آئی) کے رہنما رضا نصر اللہ گھمن نے پریس کانفرنس کے دوران پارٹی سے مستعفی ہونے کا اعلان کیا۔رضا نصر اللہ گھمن نے کہا کہ 9 مئی کے واقعات سے پوری قوم غمزدہ ہے اور وہ 9 مئی کے واقعات کی شدید مذمت کرتے ہیں۔ انہوں نے کچھ عرصہ سیاست سے دور رہنے کا فیصلہ کیا۔
اس کے علاوہ پاکستان تحریک انصاف (پی ٹی آئی) کی سابق ایم پی اے عائشہ اقبال نے بھی پارٹی چھوڑنے کا اعلان کردیا۔ وہ خواتین کی مخصوص نشست پر منتخب ہوئیں۔ عائشہ اقبال نے کہا کہ وہ خونریزی کی سیاست برداشت نہیں کر سکتیں، اسی لیے پارٹی چھوڑ دی۔
