رمضان کا تیسرا عشرہ ٹھنڈا ہو گیا۔ پی ڈی ایم اے نے 25 سے 27 مارچ تک پنجاب کے بیشتر اضلاع میں بارشوں کی پیش گوئی کی ہے۔
پی ڈی ایم اے کے مطابق 25 سے 27 مارچ کے دوران پنجاب کے بیشتر اضلاع راولپنڈی، جہلم، اٹک، چکوال، سرگودھا، میانوالی، خوشاب، منڈی بہاءالدین، شیخوپورہ، حافظ آباد، گجرانوالہ، گجرات، سیالکوٹ، نارووال، فیصل آباداور ٹوبہ ٹیک سنگھ میں بارشوں کا امکان ہے۔
اس کے علاوہ ملتان، ڈیرہ غازی خان، راجن پور، بہاولپور، خانیوال، لیہ، بھکر، ساہیوال اور پاکپتن میں بھی بارش کا امکان ہے۔پی ڈی ایم اے نے مری، گلیات اور دیگر پہاڑی علاقوں میں بارش اور برفباری کی بھی پیش گوئی کی ہے۔
