اسلام آباد: ایف آئی اے امیگریشن نے اسلام آباد ایئرپورٹ پر کارروائی کرتے ہوئے بیرون ملک جانے والے 4 مسافروں کو حراست میں لے لیا۔
تفصیلات کے مطابق ملزمان پرواز کے ذریعے عمرہ ویزے پر سعودی عرب جارہے تھے۔ متعلقہ اداروں کی جانب سے تلاشی کے دوران ملزمان کے قبضے سے اٹلی اور لتھوانیا کے جعلی ویزے برآمد ہوئے۔ گرفتار ملزمان میں اشرف منہاس، ریاض، اسامہ اور عبداللہ شامل ہیں جن کا تعلق بالترتیب گجرات اور منڈی بہاؤالدین سے ہے۔
جعلی ویزے پر سپین جانے کی کوشش، منڈی بہائوالدین کا رہائشی آف لوڈ
ترجمان ایف آئی اے کے مطابق ابتدائی تفتیش کے بعد پتہ چلا ہے کہ ملزمان سعودی عرب سے اٹلی جانے کی کوشش کرنا چاہتےتھے. ملزمان کو مزید قانونی تقاضے پورے کرنے کے لیے انسداد انسانی سمگلنگ سرکل اسلام آباد منتقل کر دیا گیا ہے جہاں ملزمان سے مزید تفتیش جاری ہے۔
0
Happy
0
Sad
0
Annoyed
0
Surprised
0
infected
