کنسلٹنٹ ریجنل آفس سرگودھا مشتاق احمد اعوان نے مختلف وفاقی محکموں کے خلاف عوامی شکایات ضلع منڈی بہاوالدین، کیمپ آفس میں کھلی کچہری لگا کر سنیں اوراکثر شکایات پر عوام الناس کو موقع پر ہی ریلیف دلوا کر حل کر دیا گیا ۔
منڈی بہاﺅالدین ( ایم.بی.ڈین نیوز 11جنوری 2023) اس موقع پر وفاقی محکموں جن میں گیپکو، سوئی گیس، پاسپورٹ، نادرا، ای او بی آئی ، بیت المال اور دیگر وفاقی محکمہ جات کے افسران اپنے محکموں کی رپورٹس لے کر موجود تھے۔ کھلی کچہری میں رجسٹرڈ کیسز کی شکایات کی سماعت بھی کی گئی۔ جن میں سے بیشتر شکایات کا موقع پر ہی ازالہ کر دیا گیا۔
کھلی کچہری میں کنسلٹنٹ وفاقی محتسب مشتاق احمد اعوان نے مختلف محکموں کے افسران کو وفاقی محتسب اعلیٰ اعجاز احمد قریشی کی جانب سے جاری ہدایات کے بارے میں آگاہ کرتے ہوئے بتایا کہ وفاقی محتسب اعلی عوام کو بلاتاخیر ریلیف فراہم کرنے کے لئے پرعزم ہیں۔اس لئے عوام الناس کو انصاف فراہم کرنے کی راہ میں کوئی رکاوٹ یا کوتاہی ہر گز برداشت نہیں کی جائے گی۔
