ندیم افضل چن کے والد اور سابق صوبائی وزیر حاجی افضل چن کو گرفتاری کے چند گھنٹے بعد لاہور سے رہا کر دیا گیا ہے۔
پنجاب پولیس اور سی آئی اے منڈی بہاؤالدین نے مشترکہ کارروائی کرتے ہوئے حاجی افضل چن کو رات گئے لاہور کے علاقے چن ہاؤس سے گرفتار کر کے نامعلوم مقام پر منتقل کر دیا۔ حاجی افضل چن کے اہل خانہ کے مطابق پولیس بغیر وارنٹ دکھائے گھر میں گھس گئی اور ملازمین کو تشدد کا نشانہ بنایا۔
بلاول بھٹو کے دورہ عراق کی تیاریوں کے سلسلے میں نجف اشرف میں موجود ندیم افضل چن نے اپنے والد کی گرفتاری پر ٹویٹ کیا کہ میں نجف میں ہوں اور میرے 85 سالہ والد کو میرے گھر سے گرفتار کیا ہے۔
میں نجف میں ھو ں اور میرے گھر سے میرے ۷۵ سالہ والد کو گرفتار کر لیا ھے۔
— Nadeem Afzal Chan (@NadeemAfzalChan) June 4, 2023
انہوں نے کہا کہ ان کے والد 1998 سے سیاست سے ریٹائر ہو چکے ہیں، اگر گرفتاری کی ضرورت پڑی تو عراق سے واپسی پر انہیں گرفتار کر لیں گے، تاہم ان کے بزرگ والد کو رہا کیا جائے۔
تاہم ایک گھنٹے بعد ندیم افضل چن نے ایک اور ٹویٹ میں کہا کہ ان کے والد کو رہا کر دیا گیا ہے۔ میں اپنے تمام بھائیوں اور دوستوں کا مشکور ہوں جنہوں نے اس مشکل گھڑی میں میرا ساتھ دیا اور میرے امام نے سوموٹو لیا۔ خدارا پاکستان میں انصاف کی آواز بلند فرما۔
