75ویں یوم آزادی کے سلسلہ میں منعقد کئے گئے طالبات کی غیرنصابی سرگرمیوں کے مقابلہ جات میں گورنمنٹ گرلزہائی اسکول منڈی بہاوالدین نے گوجرانوالہ بورڈمیں اردوکے تقریری مقابلہ میں پہلی اورملی نغمہ میں تیسری پوزیشن حاصل کرلی،حکومتی سطح پران طالبات کونقدانعامات اورتعریفی اسناد سے نوازاگیا.
منڈی بہاوالدین(نامہ نگار) تفصیلات کے مطابق گوجرنوالہ بورڈکی سطح پر75ویں یوم آزاد ی کے سلسلہ میں منعقدکئے گئے پروگرام میں گورنمنٹ گرلزہائی اسکول منڈی بہاوالدین کی طالبہ حائقہ شہزاد نے سیکنڈری لیول ڈویژن کی سطح پہ اردو تقریر میں اول پوزیشن حاصل کر کے 7000روپے نقد انعام اور سرٹیفکیٹ حاصل کیا.
یہ بھی پڑھیں: منڈی بہائوالدین کے دو ہونہار طلبا نے قائداعظم کا پوٹریٹ بنا کر 1 لاکھ روپے جیتے لئے
جبکہ طالبہ طیبہ بشیر نے ڈویژن لیول کے پروگرام میں ملی نغموں کے مقابلے میں تیسری پوزیشن حاصل کر کے 3000 روپے نقد انعام اور سرٹیفکیٹ حاصل کیا، ادارہ کی پرنسپل محترمہ ثوبیہ اسلم کاکہناتھاکہ انکے اسکول کویہ کامیابی سی اوایجوکیشن یاسین ورک، اور ڈسڑکٹ ایجوکیشن آفیسرسکینڈری کی کوششوں سے ملی ہے جنہوں نے طالبات کوآگئے آنے کاموقع فراہم کیا، یہ مقابلہ جات بورڈآف انٹرمیڈیٹ سیکنڈری ایجوکیشن گوجرانوالہ میں منعقدکئے گئے تھے،