مراکش کشتی حادثے میں منڈی بہاؤالدین کے اب تک کتنے نوجوان جاں بحق ہو چکے ہیں؟

مراکش کشتی حادثے میں منڈی بہاؤالدین کے اب تک کتنے نوجوان جاں بحق ہو چکے ہیں؟ ابتدائی رپورٹ کے مطابق مراکش کشتی حادثے میں اب تک منڈی بہاءالدین کے جاں بحق ہونے والوں کی تعداد 4 ہو گئی ہے۔

ہریا گاؤں کا نوجوان ذیشان اعجاز حالیہ کشتی حادثے میں جاں بحق. مسیت والی اسعداللہ پور کے دو سگے بھائی حامد شبیر اور ابرار شبیر بھی حالیہ کشتی حادثہ میں جاں بحق ہو گئے تھے. نواحی گاؤں واسوال کا ایک نوجوان عدنان نواز بھی حالیہ کشتی حادثے میں جاں بحق ہو گیا.

تحقیقات کے دوران معلوم ہوا ہے کہ 20 افراد فیصل آباد، لاہور، کراچی سے سینیگال گئے تھے جن میں سے 8 جاں بحق ہوگئے جب کہ 12 کو بچا لیا گیا

خیال رہے کہ جمعرات کو افریقی ملک موریطانیہ سے غیر قانونی تارکین وطن کو سپین لے جانے والی کشتی الٹ گئی تھی جس کے نتیجے میں 44 پاکستانیوں سمیت 50 تارکین وطن ہلاک ہوگئے تھے۔

خبر رساں ادارے کے مطابق 86 تارکین وطن کو لے کر کشتی موریطانیہ سے 2 جنوری کو روانہ ہوئی تھی۔مراکش کے حکام کا کہنا ہے کہ کشتی میں کل 66 پاکستانی سوار تھے۔ کشتی حادثے میں 36 افراد کو بچا لیا گیا ہے۔