وزیر اعلی پنجاب مریم نواز شریف کی خصوصی ہدایت پر اور ڈپٹی کمشنر شاہد عمران مارتھ کی سربراہی میں ضلع بھر کے پرائس کنٹرول مجسٹریٹس روٹی اور نان کی سرکاری قیمت پر فروخت کیلئے فیلڈ میں متحرک۔
منڈی بہاوالدین (ایم.بی.ڈین نیوز 27اپریل 2024 ) پرائس مجسٹریٹس نے روزانہ کی بنیاد پر مختلف ہوٹلز اور تندوروں کی انسپکشنز کیں اور روٹی و نان کی سرکاری قیمت پر فروخت اور وزن کا جائزہ لیا۔
سرکاری ریٹ پر روٹی فروخت نہ کرنے والے 27 تندور مالکان کو جرمانے
ڈپٹی کمشنر شاہد عمران مارتھ کا کہنا ہے کہ حکومتی ہدایت کے مطابق مقررہ نرخ پر روٹی اور نان کی فروخت کو ہر صورت یقینی بنایا جائے گا۔ ہوٹلز اور تندور مالکان روٹی 15 روپے اور نان 20 روپے میں فروخت کو ہر صورت یقینی بنائیں۔ خلاف ورزی کی صورت میں کاروائی عمل میں لائی جائے گی۔
