یونان کشتی حادثہ کیس، ایف آئی اے گوجرانوالہ زون کی بڑی کاروائیاں۔ منڈی بہاؤالدین سمیت مختلف شہروں سے پانچ انسانی سمگلرز گرفتار۔ ایک خاتون بھی شامل۔
گرفتار ملزمان میں لیبیا میں اغواء اور تشدد میں ملوث انسانی سمگلر بھی شامل۔ گرفتار ملزمان میں محمد اشرف عرف اشرف سلیمی، وکی گمن، محمد سہیل، شاہد فاروق اور خدیجہ نامی خاتون شامل۔ ملزمان کو سیالکوٹ، گجرانوالہ اور منڈی بہاءالدین کے مختلف علاقوں سے گرفتار کیا گیا
یونان کشتی حادثہ، لیک آڈیو نے یونانی حکام کی بے حسی بے نقاب کر دی
گرفتار انسانی سمگلر محمد اشرف سال 2024 میں ہونے والے یونان کشتی حادثے میں ملوث ہے۔ ملزم کا نام ریڈ بک کے انتہائی مطلوب انسانی سمگلرز میں شامل تھا۔ ملزم نے 3 شہریوں کو یونان بھجوانے کے نام پر فی کس 25 لاکھ روپے ہتھیائے۔
ملزم نے غیر قانونی طور پر سمندر کے راستے شہریوں کو یونان بھجوانے کی کوشش کی۔ کشتی حادثے میں شہریوں کی موت واقع ہوگئی۔ ملزم کے خلاف 3 مقدمات درج ہیں۔ گرفتار ملزم انسانی سمگلنگ میں ملوث بین الاقوامی گینگ کا حصہ ہے
خاتون انسانی سمگلر خدیجہ نے شکایت کنندہ کو اٹلی بھجوانے کے نام پر 2500 امریکی ڈالر اور 38 لاکھ 50 ہزار روپے بٹورے۔ اشتہاری ملزم وکی گمن نے شہری کو کینیڈا بھجوانے کے نام پر 12 لاکھ 50 ہزار روپے بٹورے۔ گرفتار ملزم سہیل فاروق نے متاثرین کو سعودی عرب بھجوانے کے نام پر 13 لاکھ روپے ہتھیائے۔
شاہد فاروق نامی انسانی سمگلر نے شہریوں کو رومانیہ بھجوانے کے نام پر 7 لاکھ روپے ہتھیائے۔ ملزمان شہریوں کو بیرون ملک بھجوانے میں ناکام رہے۔ ملزمان بھاری رقوم وصول کر کے روپوش ہوگئے تھے۔ ملزمان کو گرفتار کر کے تفتیش کا آغاز کر دیا گیا۔ دیگر ملزمان کی گرفتاری کے لئے چھاپے مارے جا رہے ہیں۔
کشتی حادثات میں ملوث عناصر کے خلاف کریک ڈاون جاری ہے۔ ملزمان کی گرفتاری کے لئے تمام تر وسائل کو بروئے کار لایا جا رہا ہے۔ انٹلیجنس بنیادوں پر انسانی سمگلروں کے خلاف کاروائیاں جاری ہیں۔ کسی شخص کو بھی معصوم لوگوں کی زندگیوں سے کھیلنے کی اجازت نہیں۔
ٹھوس شواہد کی روشنی میں ملزمان کو قرار واقعی سزائیں دلوائیں گے۔ ترجمان ایف آئی اے
