حکو مت پنجاب کے احکامات کی روشنی میں مارکیٹ میں ضروری اشیاءکی کنٹرول نرخوں پر فراہمی اور قیمتوں کے استحکام کیلئے پرائس کنٹرو ل مجسٹریٹس نے ضلع بھر میں گذ شتہ روز 287 انسپکشنز کیں۔ پرائس کنٹرول ایکٹ کی خلاف ورزی کرنے والے28 دکانداروں کو 48 ہزار 500 روپے کے جرمانے کئے گئے۔
منڈی بہاﺅالدین ( ایم.بی.ڈین نیوز 28 اکتوبر 2022 ) ڈپٹی کمشنر تسنیم علی خاں کا کہنا ہے کہ وزیر اعلی ٰ پنجاب کے احکامات کی روشنی میں ضلع بھر میں مصنوعی مہنگائی پیدا کرنے،ذخیرہ اندوزی اور اوور چارجنگ کرنے والوں کے خلاف کریک ڈاﺅ ن جاری رہے گا۔
انہوں نے کہا کہ ضلع بھر کے دکاندار اور تاجر حضرات مصنوعی مہنگائی پیدا کرنے سے باز رہیں۔ضلعی انتظامیہ نے تاجروں کے نمائندوں کے ساتھ اجلاس کر کے انہیں حکومتی اقداما ت اور طے شدہ نرخوں پرا شیاء کی فروخت کو یقینی بنانے کی ہدایت کی ہے۔
