علی پور کے علاقے مڈوال میں غربت سے تنگ شہری نے اپنے 7 بچوں اور بیوی کو ڈنڈوں سے وار کر کے قتل کر دیا۔
سجاد کھوکھر نامی ظالم شخص نے غربت اور تنگدستی کے باعث اپنے سات بچوں اور بیوی کو قتل کر دیا اور موقع سے فرار ہو گیا۔ تاہم پولیس نے بروقت کارروائی کرتے ہوئے اسے حراست میں لے لیا۔ سجاد کھوکھر روزی روٹی کے لیے درزی کا کام کرتا تھا۔ جاں بحق ہونے والے بچوں کی عمریں 6 ماہ سے 7 سال کے درمیان ہیں۔ اطلاع ملتے ہی پولیس موقع پر پہنچ گئی اور قانونی کارروائی شروع کر دی۔
ابتدائی تفتیش میں انکشاف ہوا ہے کہ ملزم سجاد کھوکھر کا اپنی بیوی سے کسی بات پر جھگڑا ہوا اور وہ شدید ڈپریشن میں چلا گیا۔ ملزم نے بے قابو ہو کر بیوی اور بچوں کو قتل کر دیا۔ ایس ایچ او تھانہ صدر کے مطابق ملزم کو گرفتار کر لیا گیا ہے۔ مزید تحقیقات کی جا رہی ہیں اور ملزم کو سخت سے سخت سزا دی جائے گی۔
