منڈی بہاﺅالدین ( ایم.بی.ڈین نیوز 10دسمبر 2022)کمیونٹی ایمرجنسی ریسپانس ٹیم منڈی بہاوالدین نے بین الاقوامی سطح کے مقابلوں میں 59 ٹیموں میں سے پانچویں پوزیشن حاصل کی جبکہ گوجرانوالہ ڈویژن میں پہلی پوزیشن حاصل کی۔
تفصیلات کے مطابق ڈسٹرکٹ ایمرجنسی آفیسر انجینئر عمران خان کی زیرنگرانی اور ریسکیو سیفٹی افسر شوکت علی کی زیرقیادت ضلع منڈی بہاوالدین کی بہترین کمیونٹی ایمرجنسی ریسپانس ٹیم نے قومی سطح کے مقابلوں میں حصہ لیا اور شاندار کارکردگی کا مظاہرہ کرتے ہوئے کل 59 ٹیموں میں سے پانچویں پوزیشن حاصل کر کے منڈی بہاوالدین کا نام روشن کیا۔
یہ بھی پڑھیں: ریسکیو 1122 کے زیر اہتمام منڈی بہاءالدین میں رضاکاروں کا عالمی دن منایا گیا
اس مقابلہ میں ڈنمارک ایمبیسی، سری لنکا ، پاکستان آرمی و دیگرنے حصہ لیا جبکہ پاکستان بھر سے کئی اداروں اور ضلعوں سے ایک سے زیادہ ٹیموں نے بھی شرکت کی۔ اس موقع پر ڈسٹرکٹ ایمرجنسی آفیسر ریسکیو 1122 انجینئر عمران خان کا کہنا تھا کہ الحمدللہ ہمارے سکاﺅٹس نے انتہائی لگن، محنت اور شوق سے اس مقابلہ میں شرکت کی اور کئی بڑے ناموں کو پچھاڑ کر ٹاپ فائیو میں جگہ پائی جبکہ گوجرانوالہ ڈویژن میں پہلی پوزیشن لے کر اپنے اساتذہ، والدین اور ضلع کا نام روشن کر دیا۔
ڈی او ایمرجنسی عمران خان نے ریسکیو سیفٹی آفیسر شوکت علی ،کمیونٹی سیفٹی انسٹرکٹرز عصمت جاوید اور افضال منہاس سمیت پوری ٹیم کی کارکردگی کو سراہا اور خراج تحسین پیش کیا۔
