ڈپٹی کمشنر شاہد عمران مارتھ نے زیر تعمیر سرائے عالمگیر روڈ ، سٹیڈیم ،چیلیانوالہ تا کوٹ بلوچ سیوریج سسٹم کی جاری ترقیاتی سکیموں کا معائنہ کرتے ہوئے کام کی کوالٹی اور رفتار کو چیک کیا۔
اس موقع پر ایڈیشنل ڈپٹی کمشنر ریونیو ذوالفقار احمد، ایڈیشنل ڈپٹی کمشنر فنانس حافظ غلام مرتضیٰ، ایکسین ہائی وے اور دیگر متعلقہ محکموں کے افسران بھی موجود تھے۔ انہوں نے ہدایت کی کہ ترقیاتی محکموں کے سربراہان جاری منصوبوں کے تمام پہلووں پر کڑی نظر رکھیں۔ کام ٹھیکیداروں پر چھوڑنے کی بجائے افسران سکیموں کی خود نگرانی کریں، کام کی کوالٹی پر کوئی سمجھوتہ نہ کیا جائے۔
ڈپٹی کمشنر نے کہاکہ پنجاب حکومت کی اولین ترجیح عوام الناس کی فلاح وبہبود کیلئے کام کرنا ہے، حکومت سڑکوں اور دیگرفلاحی منصوبہ جات کی تعمیرو توسیع کیلئے ہر ممکن وسائل مہیا کر رہی ہے لہذٰا تمام منصوبہ جات کی تکمیل وقت پر مکمل کی جائے ، غیر ضروری تاخیر ہر گز برداشت نہیں کی جائے گی۔
انہوں نے کہا کہ ترقیاتی سکیموں کیلئے مختص فنڈز قوم کی امانت ہیں، جن کی ایک ایک پائی دیانتداری سے خرچ کی جانی چاہیے۔مفاد عامہ کے منصوبوں کی تکمیل کی راہ میں کسی بھی قسم کی مشکلات حائل نہیں ہونے دیں گے۔
