لاہور (کرائم رپورٹر)انسداد دہشت گردی پولیس نے پنجاب بھر میں مختلف کارروائیوں کے دوران 12 مشتبہ افراد گرفتار کرلئے ۔ترجمان سی ٹی ڈی کے مطابق آئی جی پولیس کی خصوصی ہدایت پر سی ٹی ڈی پنجاب نے دہشت گردی کے کسی ناخوشگوار واقعہ سے نمٹنے کیلئے مختلف اضلاع میں 40 مقامات پرانٹیلی جنس بیسڈ آپریشن کئے۔
جن میں 2417 مشتبہ افراد سے پوچھ گچھ جبکہ 677 افرادکی بائیومیٹرک تصدیق کی گئی، 12 مشتبہ افراد کو گرفتارکر کے ان کے قبضے سے ایک پستول اور دھماکا خیز مواد برآمد کر لیا ، ان کے خلاف لاہور، اوکاڑہ، منڈی بہاؤالدین، فیصل آباد اور چوک اعظم لیہ میں مقدمات درج کر کے انہیں نامعلوم مقامات پر منتقل کر دیا۔ ترجمان نے مزید کہا کہ گرفتار مشتبہ افراد صوبہ بھر میں اہم تنصیبات اور مذہبی مقامات کو ٹارگٹ کرنا چاہتے تھے ۔
Leave a Reply