حافظ آباد سے خانکی بیراج تک اربوں روپے کی سڑک کی تعمیر کا کام جاری ہے

جامکے چٹھہ: حافظ آباد سے خانکی بیراج براستہ لوئر چناب کینال تک کارپٹ روڈ کی تعمیر کا کام جاری ہے۔ اس کی تکمیل سے جی ٹی روڈ سے منسلک 80 فیصد علاقوں کو موٹروے تک آسان، فوری اور مختصر ترین رسائی حاصل ہو گی۔

ان خیالات کا اظہار چیئرمین وزیراعلیٰ پنجاب ٹاسک فورس برائے ہنر عدنان افضل چٹھہ نے صحافیوں سے گفتگو کرتے ہوئے کیا۔ انہوں نے کہا کہ حافظ آباد سے ہیڈ خانکی تک ایک عام سڑک ہے جس سے آس پاس کے شہروں اور قصبوں کے شہریوں کو آمدورفت میں آسانی ہوگی۔

حافظ آباد سے علی پور چٹھہ تک یہ سڑک تیاری کے آخری مراحل میں داخل ہو چکی ہے۔ لوئر چناب کینال کے جنوبی حصے پر 24 فٹ کارپٹ روڈ بنائی جائے گی۔ سڑک کے دونوں طرف 6 فٹ کے شولڈرز بنائے جائیں گے۔

8 ارب 21 کروڑ 58 لاکھ روپے کی لاگت سے بننے والی یہ سڑک نہ صرف موٹر وے اور جی ٹی روڈ کو ملانے کا کردار ادا کرے گی بلکہ اس سڑک کی تعمیر سے وزیر آباد، گجرات، کے لاکھوں شہریوں کو موٹر وے تک آسانی سے رسائی ملے گی۔

منڈی بہاؤالدین کے اضلاع اس کے علاوہ وزیر آباد کے 27 دیہات اور قصبے اور حافظ آباد کے 16 دیہات فرنٹ لائن بن جائیں گے۔