وزیراعلیٰ پنجاب محسن نقوی کی خصوصی ہدایت پر ڈپٹی کمشنر شاہد عمران مارتھ کی زیر صدات ضلع بھر کی نہروں کی بھل صفائی مہم کے پہلے مرحلے کی تیاریوں کے حوالے سے اجلاس منعقد ہوا۔ اجلاس میں محکمہ ایریگیشن کے افسران نے شرکت کی۔
منڈی بہاوالدین( ایم.بی.ڈین نیوز 03 جنوری 2024) ایس ڈی او ایریگیشن نے مرتب کردہ نہروں کی بھل صفائی پلان بارے تفصیلی بریفنگ دی۔ اجلاس میں بتایا گیا کہ ضلع منڈی بہاوالدین کی 18نہروں جن کی کل لمبائی 155 میل ہے کی بھل صفائی مہم13 جنوری سے 31 جنوری 2024 تک جاری رہے گی۔اس مہم کو کامیاب بنانے کے لیے تمام تر تیاریاںمکمل کر لی گئی ہیں۔
ڈپٹی کمشنر شاہد عمران مارتھ کا کہنا تھا کہ وزیراعلیٰ پنجاب کے ویژن کے مطابق نہری پانی چوری کے خلاف زیروٹالرنس ہے ، بھل صفائی مہم کی کڑی مانیٹرنگ کی جائے گی۔ بھل صفائی کے دوران پانی چوری کے لئے غیر قانونی چینل ملنے پر قانونی کارروائی کی جائے اور غیر قانونی کٹ یا چینل کو موقع پر ہی ختم کیا جائے۔انہوںنے ہدایت کی کہ کا شتکاروں کو نہری پا نی کی فراہمی کو ممکن بنانے کیلئے نہروں اور راجباہوں کی بھل صفائی سو فیصد مکمل کروائی جائے۔
