بھلوال (نمائندہ دنیا) محکمہ ریلوے نے عوام کی سہولت کو مد نظر رکھتے ہوئے 15مئی سے سرگودھا اور لالہ موسیٰ کے درمیان براستہ بھلوال’ پھلروان’ ملکوال’ منڈی بہاؤالدین ‘ لالہ موسیٰ چلنے والی چناب ایکسپریس کے اوقات کار میں تبدیلی کرنے کیساتھ ساتھ اس کو دوبارہ پرانے روٹ کی طرز پر چلانے کیلئے اقدامات کرنے کی ہدایت جاری کردی ہے۔
یہ ٹرین صبح 4.30 سرگودھا سے روانہ ہوگی اور 9 بجے لالہ موسیٰ پہنچے گی جہاں سے یہ ٹرین 10 بجے روانہ ہوکر دن 2 بجے دوبارہ سرگودھا آئیگی۔ سرگودھا یہ ٹرین 3 بجے لالہ موسیٰ کیلئے دوبارہ روانہ ہوگی اور پھر لالہ موسیٰ یہ ٹرین 7 بجے سرگودھا کیلئے چلے گی ۔
