سرگودھا: محکمہ ریلوے نے 15 اپریل سے مختلف ٹرینوں کی بحالی کے لیے پیپر ورک مکمل کر لیا ہے۔ریلوے ذرائع کے مطابق محکمہ ریلوے نے خانیوال سرگودھا ساندل ایکسپریس براستہ ملتان بحال کرنے کی تیاریاں مکمل کر لی ہیں۔
اسی طرح سرگودھا سے براستہ بھلوال، ملکوال، منڈی بہاؤالدین، لالہ موسیٰ سے چلنے والی چناب ایکسپریس کو دن میں دو بار چلانے کی ہدایت کی گئی ہے۔
یہ ٹرین 15 اپریل سے صبح 5 بجے سرگودھا سے لالہ موسیٰ کے لیے روانہ ہوگی اور صبح 9 بجے لالہ موسیٰ پہنچے گی۔ یہ ٹرین لالہ موسیٰ سے صبح 10 بجے روانہ ہو کر دوپہر 2 بجے سرگودھا پہنچے گی اور سرگودھا سے دوبارہ 3 بجے لالہ موسیٰ کے لیے روانہ ہو گی جو 6.30 پہ لالہ موسیٰ پہنچے گی اور شام 7 بجے واپس سرگودھا جائے گی اور یہ ٹرین رات 10.30 پہ سرگودھا پہنچے گی.
