کرغزستان کے سفیر سے چیئرمین چیمبر آف کامرس منڈی بہاءالدین کے وفد نے ملاقات کی

چیئرمین چیمبر آف کامرس منڈی بہاءالدین کے وفدکی کرغزستان کے سفیرسے ملاقات. اہم کاروباری امور پر تبادلہ خیال کیاگیا. وفد کی قیادت سید حیدر رضانقوی نے کی

چیمبر آف کامرس اینڈ انڈسٹری منڈی بہاؤالدین کے چیئرمین سید حیدر رضانقوی کی قیادت میں وفد نے فیڈریشن آف چیمبر کے آفس میں سفارت خانہ جمہوریہ کرغزستان کے سفیر آواز بیک اتاخانوف سے تفصیلی ملاقات کی۔

اس موقع پر سید حیدررضانقوی نے کرغیزستانی سفیر سے پاکستانی تاجروں کو کرغزستان میں کاروباری مواقع کی فراہمی کے حوالے سے بات چیت کی۔انہوں نے کہاکہ پاکستانی تاجر خصوصاًمنڈی بہاؤالدین کے تاجرکرغیزستان اور پاکستان میں کاروباری تعلقات کو فروغ دینا چاہتے ہیں۔

انہوں نے کرغیزستانی سفیر آوازبیک اتا خانوف منڈی بہاؤالدین چیمبر آف کامرس اینڈ انڈسٹری کا دورہ کرنے کی دعوت دی،کرغیز ستان کے سفیر نے اس موقع پر کہاکہ پاکستانی تاجروں کو کرغیزستان میں کاروبار کے حوالے سے سہولیات اور نئے نئے کاروباری مواقع فراہم کی جائیں گے۔