منڈی بہاءالدین میں مسیحی برادری کے ساتھ کیک کاٹنے کی تقریب ہوئی

وزیراعلیٰ پنجاب کے ویژن ، چیف سیکرٹری پنجاب کے احکامات اور کمشنر گوجرانوالہ کی خصوصی ہدایت پر ڈپٹی کمشنر ڈاکٹر فیصل سلیم کی زیر صدارت کرسمس کی آمد کے سلسلے میں مسیحی برادری اورڈی سی آفس کے مسیحی ملازمین کے ہمراہ کیک کاٹنے کی تقریب کا انعقاد کیا گیا۔

منڈی بہاءالدین( ایم.بی.ڈین نیوز 24دسمبر 2024) اس موقع پر ایڈیشنل ڈپٹی کمشنر ریونیو لیفٹیننٹ (ر )محمد احمد ظہیر ، ایڈیشنل ڈپٹی کمشنر جنرل وقار اکبر چیمہ سمیت مسیحی برادری سے تعلق رکھنے والے رہنماﺅں اورملازمین کی کثیر تعداد نے شرکت کی۔

ڈپٹی کمشنر ڈاکٹر فیصل سلیم کا کہنا تھا کہ ضلع منڈی بہاءالدین ایک پرامن شہر ہے جہاں تمام اقلیتیں اپنے مذہبی تہوار مل جل کر جوش و جذبہ اور عقیدت کے ساتھ مناتی ہیں اور ایک دوسرے کی خوشیوں میں بھرپور شرکت کرتے ہیں۔ڈپٹی کمشنر کا کہنا تھا کہ حکومت مسیحی کمیونٹی کی فلاح و بہبود کیلئے خطیر رقم خرچ کررہی ہے۔

انہوں نے بتایا کہ ضلعی انتظامیہ کی جانب سے مسیحی بھائیوں کو کرسمس کی خوشیاں منانے کیلئے ضلع کی تینوں تحصیلوں میں کرسمس بازاروں کا انعقاد کیا گیا ہے ۔ چرچوں پر لائنٹنگ کا انتظام کیا گیا ہے ، کرسچین آبادیوں اور قبرستانوں میں صفائی ستھرائی کیلئے بھر پور اقدامات کئے گئے ہیں ۔

ڈپٹی کمشنر کا کہنا تھا کہ مسیحی برادی نے ہمیشہ محب وطن اور پرامن شہری ہونے کا عملی ثبوت دیا ہے،ضلعی انتظامیہ ہر سال کی طرح اس بار بھی مسیحی برادری کی کرسمس کی خوشیوں میں برابر کی شریک ہے اور انہیں کرسمس آمد کی مبارکباد پیش کرتے ہیں۔