ہفتے کے آخر میں اسرائیل پر ایران کے حملے کے بعد پیر کو تیل کی قیمتوں میں تیزی سے اضافہ متوقع ہے۔ ایران نے یکم اپریل کو شام میں اپنے قونصل خانے پر مشتبہ اسرائیلی حملے کے جواب میں ہفتے کی رات اسرائیل پر دھماکہ خیز ڈرون اور میزائل داغے۔ یہ اسرائیلی سرزمین پر پہلا براہ راست حملہ ہے، جس سے وسیع تر علاقائی تنازعے کا خدشہ ہے۔
عید الفطر کے موقع پر اسرائیلی بمباری، مزید 125 فلسطینی شہید
دمشق میں اس کے سفارت خانے کے احاطے پر حملے کے بعد ایران کے ردعمل کے خدشے کے پیش نظر گزشتہ ہفتے تیل کی قیمتوں میں اضافہ ہوا۔ جمعہ کو عالمی بینچ مارک برینٹ کروڈ کی قیمت 92.18 ڈالر فی بیرل تک پہنچ گئی، جو اکتوبر کے بعد کی بلند ترین سطح ہے۔ اتوار کو ٹریڈنگ بند ہونے سے پہلے یو ایس ویسٹ ٹیکساس انٹرمیڈیٹ کروڈ فیوچر 64 سینٹ بڑھ کر 85.66 ڈالر پر تھا۔
Expected fuel prices in Pakistan from April 16, 2024
امریکی صدر جو بائیڈن نے کہا ہے کہ وہ اتوار کو سات بڑی معیشتوں کے گروپ کے رہنماؤں کا اجلاس بلائیں گے تاکہ ایرانی حملے کے سفارتی ردعمل کو مربوط کیا جا سکے۔ یو بی ایس کے تجزیہ کار جیوانی اسٹونووو کے مطابق تجارت کے آغاز پر تیل کی قیمتوں میں اضافہ ہو سکتا ہے۔
