وزیر اعلی پنجاب ،چیف سیکرٹری پنجاب اورکمشنر گوجرانوالہ کی خصوصی ہدایت کے مطابق ڈپٹی کمشنر شاہد عمران مارتھ کی سربراہی میں ضلع بھر میں چینی کے ذخیرہ اندوزوں کے خلاف کریک ڈاؤن جاری ۔
منڈی بہاءالدین (ایم.بی.ڈین نیوز 14 ستمبر 2023) ڈپٹی کمشنر شاہد عمران مارتھ کی ہدایت پر اسسٹنٹ کمشنر ملکوال نے ہیڈ فقیریاں کے علاقہ میں کاروائی کرتے ہوئے ایک پرائیویٹ گودام سے چینی کا بڑا ذخیرہ قبضہ میں لے لیا۔
تفصیلات کے مطابق اسسٹنٹ کمشنر نے ٹیم کے ہمراہ مشترکہ کاروائی کے دوران گودام پر چھاپہ مار کر چینی کی 1،500 بوریاں برآمد کر کے قبضہ میں لے لیں اور گودام کو سیل کر دیا ہے ۔برآمد کی گئی چینی کی مالیت 1 کروڑ 20 لاکھ روپے ہے۔
اس موقع پر ڈپٹی کمشنر شاہد عمران مارتھ کا کہنا تھا کہ چینی کے ذخیرہ اندوز ملک اور قوم کے دشمن ہیں، ان سے آہنی ہاتھوں سے نمٹا جائے گا اور ان کے خلاف کریک ڈاؤن کا سلسلہ تسلسل سے جاری رہے گا۔
