islamabad police

سانحہ ماڈل ٹاؤن کی آٹھویں برسی پر منڈی بہائوالدین میں پر امن احتجاجی ریلی کا انعقاد

منڈی بہاوالدین سانحہ ماڈل ٹاؤن کے ورثاء آٹھ سال گزرنے کے بعد بھی انصاف کے منتظر ہیں ۔ منڈی بہاوالدین میں چئیرمین پاکستان تحریک منہاج القرآن ڈاکٹر طاہر القادری کی کال پر پرامن احتجاجی ریلی کا انعقاد کیا گیا

منڈی بہاءالدین ( ایم.بی.ڈین نیوز 17 جون 2022) ریلی کی قیادت وسیم ہمایوں گجر صدر تحریک منہاج القرآن اورصدر یوتھ چوہدری فیاض گجرنے کی جبکہ یونٹس کے عہدیداران تحریک منہاج القرآن نے شرکت کی۔ ریلی میں پاکستان عوامی تحریک تحریک منہاج القرآن یوتھ لیگ کے کارکنان کی بڑی تعداد میں شرکت .

احتجاجی ریلی گوڑھا روڈ سے شروع ہو کر مختلف بازاروں سے ہوتی ہوئی پریس کلب کے سامنے پہنچی ریلی کے شرکاء نے سانحہ ماڈل ٹاؤن کے خلاف پینا فلکس اور پلے کارڈ اٹھا رکھے تھے جن پر8سال سے انصاف کے متلاشی مظلوموں کو انصاف دو قاتلوں کو قرار واقعی سزا دو قاتل بر سراقتدارہیں 14افراد کے خون کا حساب کون دے گا عدالت عظمیٰ جوڈیشل کمیشن بنا کر انصاف کی فراہمی کو یقینی بنائے کہ نعرے درج تھے.

وسیم ہمایوں گجر نے پریس کلب کے سامنے ریلی سے خطاب کرتے ہوئے کہا کہ مظلوموں کا خون رائیگاں نہیں جانے دیں گے اپنے قائد ڈاکٹر محمد طاہر القادری کی ہر کال پر ہر کارکن لبیک کہے گا اور قاتلوں کے سامنے ہم سیسہ پلائی دیوار ثابت ہوں گے شہیدوں کے خون کے ایک ایک قطرے کا حساب لیا جائے گا

اپنا تبصرہ بھیجیں