وفاقی حکومت نے کم آمدنی والے افراد کے لیے پیٹرول پر سبسڈی دینے کے لیے ایپ تیار کی ہے جس کے ذریعے وہ کم قیمت پر پیٹرول حاصل کر سکیں گے۔
ذرائع کے مطابق وزارت انفارمیشن ٹیکنالوجی کی تیار کردہ ایپ اس وقت آزمائشی مرحلے میں ہے جس کے بعد اس ایپ کو عوام کے سامنے پیش کیا جائے گا۔
دو اور تین پہیوں والی گاڑیوں کو پٹرول پر سبسڈی دی جائے گی، جبکہ عالمی مارکیٹ میں قیمتوں میں اضافہ دوسرے صارفین کو دیا جائے گا۔
ذرائع کے مطابق موٹر سائیکلوں کے لیے ماہانہ 20 لیٹر پیٹرول کا کوٹہ مختص کرنے کی تجویز دی گئی ہے۔ تاہم 800 سی سی گاڑیوں کے صارفین کو سبسڈی دینے کا فیصلہ نہیں ہو سکا۔
اس سلسلے میں ملک کے 12 ہزار پیٹرول پمپس پر سبسڈی والی نوزلز مختص کی جائیں گی اور ہر پیٹرول پمپ پر 2 موبائل فون بھی فراہم کیے جائیں گے۔ اس طرح ہر پٹرول پمپ پر موبائل فون ایپ کے ذریعے پٹرول فراہم کیا جائے گا۔
happy