واپڈا کا عیدالفطر پر ملازمین کو عیدی دینے کا فیصلہ، نوٹیفکیشن جاری

واپڈا نے عیدالفطر پر ملازمین کو عیدی دینے کا فیصلہ کیا ہے۔ انعام کی رقم ایک بنیادی تنخواہ کے برابر ہوگی۔

نوٹیفکیشن کے مطابق چھ ماہ سے زائد سروس رکھنے والے ملازمین انعام کے اہل ہوں گے۔ کنفرم، کنٹریکٹ، ڈیلی ویجز، ڈیپوٹیشن سمیت تمام ملازمین انعام کے اہل ہوں گے۔ کنسلٹنٹس، ایڈوائزر اپنے پیکج کا 60 فیصد بطور انعام لے سکیں گے۔

ارنڈ لیوو، ایل پی آر، ایکسٹراآرڈنری لیوو پر ملازمین انعام کے اہل نہیں ہوں گے۔ جن ملازمین کو سزا ہوئی ہے یا وہ بدتمیزی کے مرتکب ہوئے ہیں وہ بھی انعام کے اہل نہیں ہیں۔