منڈی بہاؤالدین میں نادرا سے متعلق شکایات کا جائزہ لینے کے لیے کھلی کچہری

وزیر اعظم محمد شہباز شریف کی خصوصی ہدایات پر ڈائریکٹر جنرل نادرا ریجنل آفس اسلام آباد محمد فہیم خان نے نادرا سے متعلق شکایات کا جائزہ لینے کے لیے منڈی بہاؤالدین میں کھلی کچہری کا انعقاد کیا۔

کھلی کچہری سے خطاب کرتے ہوئے انہوں نے کہا کہ نادرا سے متعلق عوامی شکایات کے ازالے کا بنیادی مقصد عام لوگوں کے مسائل کا حل اور ان کے گھروں کے قریب انصاف کی فراہمی ہے۔

اس موقع پر شکایت کنندگان نے نادرا سے متعلق اپنے مسائل، مشکلات اور شکایات پیش کیں۔ ڈی جی نادرا نے شکایت کنندگان کی درخواستوں اور شکایات کا جائزہ لیا اور ان کے حل کے لیے موقع پر احکامات جاری کیے ۔