ضلع منڈی بہاؤالدین، امن کی طرف پہلا قدم۔ چیلیانوالہ کے دو خاندانوں کا آپس میں خاندانی دشمنی ختم کرنے کا اعلان
منڈی بہائوالدین (ایم.بی.ڈین نیوز 28 مارچ 2023) چیلیانوالہ کے چوہدری صدف خان اور چوہدری سکندر ولایت (بابے یادے کے)اور چوہدری شوکت زمان خاندان جن کی 30 سالہ آپسی دشمنی میں درجن سے زائد قیمتی جانوں کا ضیاع ہوا. آج اہل علاقہ دونوں خاندان اور منڈی گجرات کے سرکردہ لوگوں نے دارہ بابے یادے میں صلح میں شرکت کی اور صلح کی کوششوں کو عملی جامہ پہنایا.
الحمدللہ دونوں خاندانوں نے عہد کیا کہ ہم آنے والی نسلوں کو اس خونی کھیل سے بچائیں گےاور عید کے بعد دونوں خاندان باقاعدہ طور پر صلح کا اعلان کریں گے۔ ہمارے ضلع کے پائیدار امن کے لیے یہ بہت اچھا اقدام ہے۔ درجنوں افراد ان نام نہاد خاندانی دشمنیوں کا شکار ہو چکے ہیں۔
اللہ کی رضا کے لیے ایک دوسرے کو معاف کرنا سیکھیں۔ اپنے آنے والی نسلوں کے محفوظ مستقبل کے ضامن بنیں۔
