منڈی بہاءالدین ( ایم.بی.ڈین نیوز 11 فروری 2022)تفصیلات کے مطابق ڈسٹرکٹ پولیس آفیسر منڈی بہاٶالدین انور سعید کنگرا نے علاقہ تھانہ سول لائن ، چوکی صوفی سٹی میں فرنٹ ڈیسک کا افتتاح اپنے دست مبارک سے کیا اس موقع پر ڈی ایس پی ہیڈ کواٹر خالد محمود رانجھا ،ڈی ایس پی سی آٸی اے عامر شاہین، ،ایس ایچ او سول لاٸن بھی ہمراہ تھے.
ڈی پی او نےکہا کہ عوام کی سہولت کے لیے چوکی صو فی سٹی میں فرنٹ ڈیسک کا آغاز کر دیا گیا ہےساٸلین کو اب دفاتر کےچکر نہیں لگانے پڑے گے فرنٹ ڈیسک کی تمام سہولیات اہل علاقہ کو میسر ہو نگی عوام کے مساٸل کو ترجیحی بنیادوں پر حل کیا جاۓ گا. (منڈی بہاٶالدین پولیس) اوردوران وزٹ چوکی کی بلڈنگ اور حوالات کا جائزہ لیا.
ریکارڈ ،مال خانہ ، اسلحہ کوت اور چوکی کی صفائی کو چیک کیا۔ محررچوکی نےحوالات میں بند ملزمان کی ترتیب وار تفصیل سے ڈی پی او کو آگاہ کیا ۔ڈی پی او منڈی نے پینڈنگ مقدمات کا جائز ہ لیااور ان کو جلد از جلد یکسو کرنے کا حکم دیا ۔
ڈسٹرکٹ پولیس آفیسر منڈی بہاٶالدین نے ایس ایچ او سمیت تمام پولیس افسران کو ہدایات دیں کے چوکی میں آنے والے سائلین کے مسائل کو فوری حل کیا جاۓ اور ان کے ساتھ انتہائی شائستگی کے ساتھ پیش آئیں۔ جرائم پیشہ افراد کے خلاف کاروائی کر کے شہریوں کے جان و مال کا تحفظ کرنا پولیس کی اولین ترجیح ہے ۔
