منڈی بہاوالدین: 5 سال قبل تعینات رہنے والے اسسٹنٹ کمشنر پھالیہ کاشف رضا اعوان کی ٹیم کی جانب سے لگائے جانے والی کھجور کے درخت آج تیار ہو کر پھل دینے لگے۔
کاشف رضا اعوان 2 سال کے عرصہ میں بطور اسسٹنٹ کمشنر پھالیہ تعینات رہے جنہوں نے اپنی محنت کش ٹیم کے ہمراہ تحصیل پھالیہ میں منڈی بہاوالدین/گجرات روڑ کے درمیان کھجور کے درخت لگائے تھے اور آج وہ درخت بڑے ہو کر پھل دے رہے ہیں۔ تصویر میں نظر آنے والا کھجور کا درخت انکی رہائش کے سامنے لگا ہوا ہے جس پر تازہ کھجور کا پھل گزرنے والوں میں کشش پیدا کرتا ہے۔
