پاہڑیانوالی(احسان نازش سے) مسلم لیگ ق کے سنیئر راہنما اور چوہدری برادران کے قریبی ساتھی چوہدری جاوید اقبال ماجرہ نے صدر منگووال پریس کلب رجسٹرڈ منگوال سے ٹیلی فون پر یومِ یکجتی کشمیر کے موقع پر گفتگوکرتے ہوئے کہا کہ کشمیریوں کی قربانیاں رنگ لائیں گی، بھارت کا جابر و بدنما چہرہ اقوامِ عالم کے سامنے عیاں ہورہا ہے۔
انہوں نے کہا کہ پاکستان سمیت دنیا بھر میں لوگ کشمیریوں سے اظہارِ یکجتی کے لیے اس دن کو جوش خروش سے منا رہے ہیں۔ انہوں نے کہا کہ قومی اداروں کا تقدس لازم وملزوم اور ان کی قربانیوں کو خراج تحسین پیش کرنے کی ضرورت ہے۔ انہوں نے کہا کہ ملک محفوظ ریاست کے طور پر ابھر رہاہے، سیاسی سکورنگ مستحکم ریاست کی راہ میں بڑی رکاوٹ ہے۔
انہوں نے کہا کہ پاکستان کا موقف اسرائیل اور بھارت سے متعلق واضح ہے جب تک کشمیر اور فلسطین کا مسئلہ عوامی امنگوں کے مطابق حل نہیں ہوتا اس وقت تک ان دہشتگرد ریاستوں کے ساتھ نفرت آمیز رویہ قائم رکھنے کی ضرورت ہے۔
