منڈی بہاءالدین ( پی پی ائی ) شیپ پاکستان کے صدر میاں شریف زاہد نے کہا ہے کہ پرانے ڈسٹرکٹ ہیڈ کوارٹر ہسپتال منڈی بہاوالدین کو تحصیل ہیڈ کوارٹر ہسپتال منڈی بہاوالدین کا درجہ دے کر تمام بنیادی سہولیات فراہم کی جائیں وہ یہاں میٹ دی پریس پروگرام میں اظہار خیال کر رہے تھے.
میاں شریف زاہد نے کہا کہ یہ مسلہ ضلع کے 22 لاکھ عوام کا مسلہ ہے اسے حل کرنا حکومت اور ارکان اسمبلی کی اہم ذمہ داری ہے انہوں نے وزیر اعظم پاکستان عمران خان ۔وزیر اعلی ا پنجاب سردار عثمان بزدار سے مطالبہ کیا ہے کہ اس اہم عوام مطالبہ کو فوری حل کیا جائے ۔انہوں نے محترمہ حمیدہ وحیدالدین ایم پی اے کے اس بیان کا خیر مقدم کیا ہے کہ وہ تحصیل ہیڈ کوارٹر ہسپتال منڈی بہاوالدین کے قیام کے لئے پنجاب اسمبلی کے آئندہ اجلاس میں مزکورہ اسپتال کی بحالی کیلئےریکوزیشن بھی پیش کریں گی تاکہ صحت عامہ کے لئے عوام کا بنیادی مسئلہ حل ہوسکے.
میاں شریف زاہد نے کہا کہ ضلع بھر کے ارکان قومی و صوبائی اسمبلی اپنی اپنی اسمبلیوں میں بھی اس عوامی مسلہ کے لئے آواز بلند کرین تا کہ عوام کو انکی دہلیز پر بنیادی صحت کی سہولیات فراہم ہو سکیں۔مزید ڈسٹرکٹ ہیڈ کوارٹر ہسپتال منڈی بہاوالدین کو بھی مکمل فنکشنل کیا جائے اس وقت صرف 10 یونٹ ہسپتال میں کام کر رہے ہیں مزید 40 یونٹ بھی چالو کیئے جائیں ہر یونٹ میں 10 سپیشلسٹ ڈاکٹرز پروفیسرز میڈیکل افیسرز ۔دیگر عملہ مہیا کیا جائے تا کہ ضلع کے 22 لاکھ عوام کو لاہور اسلام آباد نہ جانا پڑے ڈسٹرکٹ ہیڈ کوارٹر ہسپتال میں 500 ڈاکٹرز بھی تعینات کیئے جائیں.
