اوکاڑہ: اکبر روڈ نہر لوئر باری دو آب جھال میں میاں بیوی سیلفی بناتے ہوئے ڈوب گئے۔
ایکسپریس نیوز کے مطابق اوکاڑہ کے علاقے اکبر روڈ نہر لوئر باری دو آب جھال کے کنارے سیلفی بناتے ہوئے میاں بیوی ڈوب گئے، جس کے نتیجے میں بیوی جاں بحق اور میاں کو بچالیا گیا۔ مقامی افراد کا کہنا ہے کہ میاں بیوی نہر کے کنارے سیلفی بنا رہے تھے کہ پاؤں پھسلنے سے بیوی نہر میں گر گئی، جسے بچانے کے لیے شوہر نے بھی نہر میں چھلانگ لگا دی۔
ریسکیو ذرائع نے بتایا کہ واقعے کی اطلاع ملتے ہی ریسکیو 1122 کی ایمبولینس اور امداری گاڑیاں فوراً جائے حادثہ پر پہنچ گئیں، ریسکیو ٹیم نے زندہ نکالے جانے والے شخص کو ابتدائی طبی امداد فراہم کی، جب کہ ڈوبنے والی خاتون کی تلاش کے لیے کشتی اور پلنجر کی مدد سے سرچ آپریشن شروع کر دیا گیا، تاہم خاتون جانبر نہ ہوسکی۔
