منڈی بہاﺅالدین کے نئے ڈپٹی کمشنر محمد شاہدنے اپنے عہدے کا چارج سنبھال لیا۔ ڈپٹی کمشنر محمد شاہد کا تعلق پراونشل مینجمنٹ سروس سے ہے اور وہ اس سے قبل پبلک پراسیکیوشن ڈیپارٹمنٹ میں بطورایڈیشنل سیکرٹری کے طور پرذمہ داریاں سر انجام دے رہے تھے۔
منڈی بہاﺅلدین ( ایم.بی.ڈین نیوز 23 دسمبر 2021) دفتر آمد پر سینئر افسروں اور سٹاف نے ان کا خیر مقدم کیا۔ایڈیشنل ڈپٹی کمشنر ریونیو ڈاکٹر احسان الحق ضیاءاور ایڈیشنل ڈپٹی کمشنر جنرل محمد شفیق نے افسروں کا تعارف کرایا۔ اس موقع پرایڈیشنل ڈپٹی کمشنر فنانس حافظ غلام مرتضیٰ، اسسٹنٹ کمشنر منڈی بہاﺅالدین کاشف جلیل ، اسسٹنٹ کمشنر ملکوال عثمان غنی اور دیگر افسران بھی موجود تھے۔
یہ بھی پڑھیں: ڈپٹی کمشنر منڈی بہاءالدین طارق علی بسرا کو تبدیل کر دیا گیا
ڈپٹی کمشنر نے ضلعی افسروں کے ساتھ مختصر ملاقات میں محکمانہ کارکردگی کا جائزہ لیا اور مختلف ہدایات جاری کیں۔ انہوں نے تمام افسران بالخصوص اسسٹنٹ کمشنرز کو ہدایت کی کہ تمام محکمے اپنی ذمہ داری متحرک رہ کر سر انجام دیں، محکمہ صحت اور تعلیم ان کی ترجیح ہوں گے۔ انہوں نے کہا کہ سرکاری افسران کی بنیادی ذمے داری عوام کے مسائل کا فوری حل اور ان کی مشکلات کا خاتمہ ہے۔
ڈپٹی کمشنرمحمد شاہد نے کہا کہ منڈی بہاﺅالدین کو ایک ماڈل ضلع بنانے کی بھر پور کوشش کی جائے گی جس کیلئے تمام افسران کے ساتھ ، سول سوسائٹی، میڈیا سمیت تمام شعبہ ہائے زندگی سے وابستہ افراد کا تعاون حاصل کیا جائے گا۔
