ڈسٹرکٹ اینڈ سیشن جج منڈی بہاﺅالدین راجہ پرویز اختر صاحب کی زیر صدارت ماہانہ اجلاس ہوا جس میں ضلع منڈی بہاﺅالدین کے عدالتوں کی کارکردگی میں نمایاں کامیابیاں حاصل کرنیوالے ججز صاحبان کو انعامات اور سرٹیفکیٹس دیئے گئے ۔ ڈسٹرکٹ اینڈ سیشن جج راجہ پرویز اختر صاحب نے اس موقع پر کام کو مزید بہتر کرنے کیلئے ہدایات جاری کیں ۔
منڈی بہاﺅالدین (ذیشان اسماعیل سے ) بہترین کارکردگی پر ججز صاحبان کی حوصلہ افزائی کرتے ہوئے انہوں نے کہا کہ زیر سماعت مقدمات کا میرٹ پرفیصلہ یقینی بنایا جائے اس موقع پر ایڈیشنل ڈسٹرکٹ سیشن جج تجمل حسین ہنجرا صاحب اور سینئر سول جج منڈی بہاﺅالدین محمد شاہد ندیم بٹ صاحب بھی ہمراہ تھے ۔ ڈسٹرکٹ اینڈ سیشن جج راجہ پرویز اختر صاحب نے بہترین کارکردگی پر
ایڈیشنل ڈسٹرکٹ اینڈ سیشن جج منڈی بہاﺅالدین (ماڈل کورٹ)نوید اقبال صاحب ، ایڈیشنل ڈسٹرکٹ اینڈ سیشن جج منڈی بہاﺅالدین عرفان سعید صاحب،سول جج منڈی بہاﺅالدین محمد عقیل جنجوعہ صاحب ، فیملی / سول جج منڈی بہاﺅالدین مس شاہین نور صاحبہ ، مجسٹریٹ دفعہ 30 پھالیہ محمد ارشاد حسین شاہ صاحب ، سول جج پھالیہ محمد وسیم حسین چٹھہ صاحب کو انعامات تقسیم کیے ۔
ADSJ ماڈل کورٹ نوید اقبال صاحب کو ماہ جون 2021 میں 13 قتل اور 5 منشیات کے مقدمات کے فیصلے کرنے پر اول انعام سے نوازا گیا ۔ ADSJ عرفان سعید صاحب کو سول اپیل کے کیسز میں نمایاں کارکردگی پر اول انعام سے نوازا گیا ۔ اسی طرح دیگر ججز صاحبان کو ڈسٹرکٹ اینڈ سیشن جج راجہ پرویز اختر صاحب نے سول ، فیملی او ر فوجداری مقدمات میں اعلیٰ کاکردگی پر انعامات تقسیم کیے ۔
