منڈی بہاؤالدین : ہر سال کی طرح اس سال بھی منڈی بہاؤالدین میں 1 مارچ کو سول ڈیفنس کا عالمی دن انتہائی جوش و خروش کے ساتھ منایا گیا۔ سیمینار کی تقریب میونسپل کمیٹی ھال منڈی بہاؤالدین میں منعقد کی گئی۔
منڈی بہاوالدین (ایم.بی.ڈین نیوز 2 مارچ 2021) تقریب میں خصوصی شرکت اے ڈی سی جی چوھدری شفیق اور اسسٹنٹ کمشنر منڈی بہاؤالدین ملک کاشف نواز نے کی۔ تقریب میں بطور مہمان خصوصی پیر بگھے شاہ گروپ منڈی بہاؤالدین کے چیف ایگزیکٹو و چیف وارڈن سول ڈیفنس ضلع منڈی بہاؤالدین سید تحریم عباس المعروف پیر علی شاہ کی مصروفیت کی وجہ سے انکے پرسنل سیکرٹری خواجہ ندیم عباس اور ایڈیشنل چیف وارڈن میاں آصف شبیر ۔ اور اگزیکٹیو باڈی ممبران ضیاء الحق طور اور چوھدری منشاء گوندل شرکت کی۔
ایڈشنل ڈپٹی کمشنر جنرل چوھدری محمد شفیق نے اپنے خطاب میں کرونا سمیت دیگر ملکی حالات میں سول ڈیفنس کے رضاکاروں کی بھرپور خدمات کو خراج تحسین پیش کیا ۔ 1 مارچ عالمی ڈیفنس ڈے کے موقع پر ایڈیشنل ڈپٹی کمشنر جنرل چوھدری محمد شفیق ۔ اسسٹنٹ کمشنر منڈی بہاؤالدین ملک کاشف نواز ۔ خواجہ ندیم عباس اور میاں آصف شبیر نے اپنے دست مبارک سے پودے لگا کر شجر کاری مہم کا آغاز کیا۔
اس کے بعد سول ڈیفنس کی جانب سے میونسپل کمیٹی ھال سے پریس کلب منڈی بہاؤالدین تک ڈیفنس ڈے کے حوالے سے ریلی بھی نکالی گئی. جسکی قیادت اسسٹنٹ کمشنر منڈی بہاؤالدین ملک کاشف نواز . سول ڈیفنس آفیسر محمد یوسف اور سول ڈیفنس کے اعلی عہدیداران نے کی۔
