وزیر اعلیٰ پنجاب مریم نوازشریف کے ویژن کے تحت ضلع منڈی بہاءالدین کی عوام الناس کو مہنگائی سے ریلیف مہیا کرنے اور اشیائے خوردونوش کی قیمتوں میں کمی کے مثبت ثمرات نچلے طبقے تک منتقل کرنے کے حوالے سے ڈپٹی کمشنر ڈاکٹر فیصل سلیم کی زیر صدارت ڈسٹرکٹ پرائس کنٹرول کمیٹی کا اجلاس ڈی سی آفس میں منعقد ہوا۔
منڈی بہاءالدین ( 26 جولائی 2025) اجلاس میں ای اے ڈی اے، ڈی او انڈسٹریزرانا محمد سعید، تاجر تنظیموں کے عہدیداران، کریانہ مرچنٹس، نان بائی، دودھ فروش، پولٹری، سبزی فروش سمیت متعلقہ محکموں کے افسران شریک تھے۔
ڈپٹی کمشنر نے اشیائے خوردونوش کی نئی قیمتوں کا تعین تاجر برادری اور سول سوسائٹی کے نمائندوں کی مشاورت، اوپن وہول سیل مارکیٹ اور دیگر اضلاع میں رائج قیمتوں کو مدنظر رکھتے ہوئے تمام اشیائے خوردونوش کی قیمتوں کا نوٹیفکیشن جاری کردیا۔
نوٹیفیکیشن کے مطابق چاول باسمتی سپر280 روپے فی کلو گرام، چاول کائنات 290 روپے کلو، بیسن 260 روپے، دال چنا (موٹی) 265 روپے، دال چنا (باریک) 245 روپے، دال مسور (موٹی) 250 روپے کلو، دال ماش دھلی ہوئی 395 روپے، دال ماش (چھلکا) 365 روپے، دال مونگ دھلی ہوئی 323 روپے، سیاہ چنا 260 روپے کلو، سفید چنا باریک 235 روپے، روٹی (100گرام) 13 روپے، سادہ نان (120گرام) 20 روپے مقرر کر دیا گیا ہے۔
چھوٹاگوشت ) مٹن 1600 روپے کلو، بڑا گوشت ) بیف ( 800 روپے، دودھ 170 روپے لیٹر، دہی 180 روپے کلو جبکہ گوشت برائلر، انڈے، سبزی و پھل وغیرہ کے نرخ مارکیٹ کمیٹی کے جاری کردہ ہوں گے۔ ڈپٹی کمشنر ڈاکٹر فیصل سلیم کا کہنا تھا کہ ضلعی پرائس کنٹرول کمیٹی کی مقرر کردہ قیمتوں پر نفاذ اور ان پر عملدرآمد سو فیصد یقینی بنایا جائے گا، ڈپٹی کمشنر نے پرائس مجسٹریٹس کو ہدایت کی کہ زائد قیمت فروخت کرنے والے دکانداران کے خلاف سخت کاروائی عمل میں لائی جائے۔
ڈپٹی کمشنر نے واضح کیا کہ انجمن تاجران و کریانہ مرچنٹس ضلعی اور تحصیل انتظامیہ کے ساتھ مل کر حکومت کی جانب سے اشیائے خوردونوش کی قیمتوں کو موثر بنانے کیلئے اپنا تعاون اور کلیدی کردار ادا کریں، ریٹ لسٹیں نمایاں جگہ پر آویزاں کی جائیں۔جو دکاندار اس پر عملدرآمد نہ کرے اس کے خلاف سخت کارروائی عمل میں لائی جائے گی۔
Sab kuch rate list se uper rates main logon ko mil rahi hai ghareebo logon ka jeena muskal ho gya hai Roti 20 Chawal 350 is trh hr cheez dubble rate pe