ضلعی انتظامیہ منڈی بہاوالدین کا ناجائز منافع خوروں کے خلاف بھرپور کریک ڈاو ن جاری گزشتہ 12 روز کی رپورٹ کے مطابق پرائس کنٹرول مجسٹریٹس کی جانب سے 5,447 چھاپہ مار کاروائیاں کی گئیں.
منڈی بہاﺅالدین( ایم۔بی۔ڈین نیوز 13 جولائی2022) ان کاروائیوں کے دوران مہنگے داموں اشیائے خوردونوش فروخت کرنے والے 315 دکانداروں کو 7 لاکھ 17 ہزار روپے کے جرمانے عائد کیے گئے اور متعدد دکانوں اور گوداموں وغیرہ کو سیل کیا گیا۔
ڈپٹی کمشنر عثمان خالد خان نے ضلع بھر کے تمام پرائس کنٹرول مجسٹریٹس کو کہا ہے کہ وہ اسی محنت اور لگن سے ناجائز منافع خوروں کے خلاف کریک ڈاو ن جاری رکھیں، آٹے، چینی ، دودھ ، دہی ،گوشت اور دیگر اشیائے خوردونوش کی مقررہ نرخوں پر دستیابی یقینی بنائیں تا کہ شہریوں کو ریلیف فراہم کیا جا سکے۔
انہوں نے کہا کہ اشیائے خوردونوش کی قیمتوں میں اضافے اور ذخیرہ اندوزی کی روک تھام کے لیے بھرپور کریک ڈاو ن جاری رکھیں اور جہاں خلاف ورزی پائی جائے فوری کاروائی عمل میں لاتے ہوئے ناجائز ذخیرشدہ اشیائے خوردونوش کو قانون کے مطابق ضبط کر لیا جائے۔
