منڈی بہاﺅالدین( ایم.بی.ڈین نیوز 26 فروری2021 ) ڈائریکٹر جنرل پنجاب ایمرجنسی سروس ریسکیو 1122 ڈاکٹر رضوان نصیر کی ہدایت پر ڈسٹرکٹ ایمرجنسی آفیسر انجینئر عمران خان کی زیر نگرانی بیکن ہاﺅس سکول میں ایک روزہ تربیتی ورکشاپ کا انعقاد کیا گیا۔ ورکشاپ میں قابل تقلید اقدام ریسکیو کیڈٹ کور کے آغاز اور اس کے استعمال کے بارے آگاہی دی گئی۔
اس موقع پر ڈسٹرکٹ ایمرجنسی آفیسر انجینئر عمران خان نے کہا کہ کورونا وائرس کے پیش نظر ریسکیو کیڈٹ کور موبائل ایپ کا آغاز کیا گیا ہے جس کا بنیادی مقصد رضاکاریت کا جذبہ رکھنے والے ریسکیو سکاﺅٹس کے طور پر رجسٹرڈ ہو کرشہری گھر بیٹھ کر تربیت حاصل کر سکیں اور آن لائن امتحان دے کر آن لائن سرٹیفکیٹس حاصل کر سکیں۔انہوں نے کہا کہ طلباءوطالبات اپنے موبائلز میں ریسکیو کیڈٹ کور ایپ انسٹال کریں کیونکہ ریسکیو کی کور موبائل ایپ سے شہری نزدیکی ریسکیو سٹیشن پر جا کر دل اور سانس کو مصنوعی طور پر بحال کرنے اور خون کے بہاﺅ کو روکنے کی عملی مشقیں کر سکتے ہیں ۔ اس پروگرام کا مقصد ہر گھر میں ایک فرسٹ ایڈر تیار کرنا ہے اور نوجوانوں کو ایک مثبت سمت پر گامزن کرنا ہے جس سے وہ مقامی سطح پر حادثات کی روک تھام کرتے ہوئے خود کو ،اپنے علاقے کو اور ملک کو محفوظ بنانے میں عملی کردار ادا کر سکتے ہیں۔
تقریب کے اختتام پرہیڈمسٹریس صائمہ بھٹی نے ریسکیو ٹیم کا شکریہ ادا کرتے ہوئے کہاکہ یہ ادارہ پاکستان کی تاریخ کا مثالی ادارہ بن چکا ہے جو ہنگامی صورتحال سے نبردآزما ہونے کے ساتھ ساتھ عوام میں شعور اور آگاہی کی مہم چلا رہا ہے۔ انہوں نے کہا کہ یہ ادارہ ایسے ہی محنت ،لگن اور جذبے سے کام کرتا رہا تو وہ دن دور نہیں جب ملک پاکستان ایک محفوظ ملک بن جائےگا ۔ تقریب کے اختتام پر ریسکیوٹیم کو تعریفی سرٹیفکیٹس سے نوازا گیا۔
