ریجنل ایمرجنسی آفیسر (گوجرنوالہ ڈویژن)سید کمال عابد نے سینٹرل اسٹیشن ریسکیو 1122 منڈی بہاﺅالدین کا دورہ کیا۔ ریسکیو آفس آمد پر 1122 کے چاق و چوبند دستے نے انہیں سلامی دی اور پھولوں کا گلدستہ پیش کیا۔ ریجنل ایمرجنسی آفیسر نے ریسکیو 1122کی گاڑیوں، بلڈنگ، صفائی ستھرائی اور سٹاف کے ٹرن آﺅٹ کا تفصیلی معائنہ کیا ۔ انہوں نے سٹور، اکاﺅنٹس اور رپیئر اینڈ مینٹی نینس کا آڈٹ کیا۔ انہوں نے آٹو الیکٹریشن ورکشاپ کا افتتاح بھی کیا۔ اس موقع پر انہوں نے ضروری ہدایات بھی جاری کیں۔
منڈی بہاﺅلدین( ایم.بی.ڈین نیوز 07 دسمبر 2021 ) ریجنل ایمرجنسی آفیسر سید کمال عابدنے کہا کہ ان کے دورے کا بنیادی مقصد ریسکیو اسٹیشن کی استعداد کار کو جانچنا اور دستیاب وسائل سے آگاہی حاصل کرنا ہے ۔ ضلعی ایمرجنسی آفیسر انجینئر عمران خان نے ریسکیو 1122 کی کارکردگی کی رپورٹ پیش کی اور دستیاب وسائل پر تفصیلی بریفنگ دی جس پر ریجنل ایمرجنسی آفیسر سید کمال عابدنے ضلعی ایمرجنسی آفیسر انجینئر عمران خان سمیت تما م ریسکیو اسٹاف کی انتھک محنت و لگن کو سراہا اورمستقبل میں بھی اسی جوش و جذبہ کے ساتھ لوگوں کو ایمرجنسی کی سروس فراہم کرنے کی ہدایت کی۔
انہوں نے بہترین کارکردگی پر ٹرانسپورٹ مینٹی نینس انسپکٹر شوکت علی رانجھا اوراسٹیشن کوآرڈینیٹر محمد سہیل خان کی تعریف کی۔ اس موقع پر ضلعی ایمرجنسی آفیسر انجینئر عمران خان نے ریجنل ایمرجنسی آفیسر سید کمال عابد کا ریسکیو اہلکاروں کی حوصلہ افزائی پر شکریہ ادا کیا اور کہا کہ ان کی آمد سے ریسکیو اہلکاروں کا حوصلہ مزید بلند ہوا ہے اور اس طرح کے دوروں سے سروس کے معیار کومزید بہتر بنانے میں معاونت اور رہنمائی حاصل ہو گی ۔
