ڈسٹرکٹ پولیس آفیسر انور سعید کنگرا نے گورنمنٹ بوائز ہائیر سیکنڈری سکول بھکھی شریف میں راجے خان تعلیمی اعزاز تقسیم انعامات کی تقریب سے خطاب کرتے ہوئے کہا ہے کہ تعلیمی اعزاز کے حوالے سے یہ محفل علم کی قدر کرنے کیلئے سجائی گئی ہے، کیونکہ علم کاحصول کبھی مکمل نہیں ہوتا
منڈی بہاوالدین( ایم.بی.ڈین نیوز 4 اپریل 2022) آپ جو بھی علم حاصل کریں اس میں ایک نیت کر لیں کہ میری تعلیم اور میرا علم انسانیت کے کام آجائے، اور آپ کا مشن انسانیت کی بھلائی ہونا چاہیے، ایڈیشنل ڈپٹی کمشنر جنرل محمد شفیق نے کہاکہ گورنمنٹ اسکول کے ہونہار بچوں کی حوصلہ افزائی بلاشبہ ایک احسن اقدام ہے، موجودہ دور میں تعلیم کی اہمیت کاکسی صورت نظر انداز نہیں کیا جاسکتا، گورنمنٹ کے تعلیمی اداروں کی کارکردگی آج بھی مثالی اورقابل ستائش ہے۔
اس موقع پر ڈی پی او انور سعید کنگرا اور ایڈیشنل ڈپٹی کمشنر محمد شفیق نے پوزیشن ہولڈرمیٹرک کے طلباو طالبات ماہ نور، فیضان مظہر، طیبہ ظفر اور احمد صہیب کو 40 ہزار روپے، میڈل اور سرٹیفکیس تقسیم کئے ، دس اساتذہ کو 20 ہزار روپے اور شیلڈ پیش کی گئیں،
اسٹیج سیکرٹری کے فرائض چوہدری افضال گوندل بھلو نے سرانجام دئیے۔اس موقع پر سی ای او ایجوکیشن محمد یاسین ورک،ڈپٹی ڈائریکٹر سوشل ویلفیئر عاطف علی وڑائچ،پرنسپل فوزیہ سلطانہ،مختاراحمدبھلو سمیت دیگراساتذہ طلباوطالبات کی کثیرتعدادنے شرکت کی۔
