گزشتہ 24 گھنٹوں کے دوران منڈی بہاوالدین میں کورونا کے 21 نئے کیسز رپورٹ

ملک بھر کی طرح ضلع منڈی بہاوالدین میں بھی کورونا کیسز میں دن بہ دن اضافہ ہو رہا ہے. گزشتہ 24 گھنٹوں کے دوران منڈی بہاوالدین میں کورونا کے 21 نئے کیسز رپورٹ ہوئے ہیں. کل مریضوں کی تعداد ،1،429 ہو گئی، صحت یاب افراد کی تعداد 950 ہے جبکہ ابھی تک کورونا سے 3 اموات ہوئی ہیں. محکمہ صحت کے رپورٹ جاری کر دی

منڈی بہاوالدین (‌ایم.بی.ڈین نیوز 14 اپریل 2021) عالمی وبا کورونا وائرس کے سبب پاکستان میں مزید135اموات اور4ہزار681نئےکیسز سامنےآئے ہیں۔ نیشنل کمانڈ اینڈ آپریشن سینٹر کے مطابق پاکستان میں کورونا سے اموات کی مجموعی تعداد 15 ہزار754 تک پہنچ گئی جبکہ متاثرہ افراد کی مجموعی تعداد 7 لاکھ 34ہزار601ہو گئی ہے۔ ملک بھرمیں ایکٹو کیسز کی تعداد 76 ہزار757ہے اور 6 لاکھ41 ہزار912افراد کورونا سے صحتیاب ہوچکے ہیں۔

یہ بھی پڑھیں: کورونا وبا؛ پابندیاں مزید سخت کردی گئیں، وسیع پیمانے پر سخت لاک ڈاؤن کا فیصلہ

کورونا کے سبب سب سے زیادہ اموات پنجاب میں ہوئی ہیں جہاں7 ہزار 141افراد جان کی بازی ہار چکے ہیں جبکہ سندھ میں 4 ہزار 530، خیبر پختونخوا 2 ہزار732، اسلام آباد 619، گلگت بلتستان 103، بلوچستان میں 219 اور آزاد کشمیر میں 410 افراد جان کی بازی ہار چکے ہیں۔ اسلام آباد میں کورونا کیسز کی تعداد 67 ہزار491، خیبر پختونخوا1 لاکھ1ہزار45، پنجاب 2 لاکھ52 ہزار571، سندھ 2 لاکھ 69 ہزار840، بلوچستان 20 ہزار499، آزاد کشمیر 14 ہزار837 اور گلگت بلتستان میں 5 ہزار 140 افراد کورونا سے متاثر ہوچکے ہیں۔

کورونا وائرس پاکستان میں تیزی سے پھیل رہا ہے۔ نیشنل کمانڈ اینڈ آپریشن سینٹر کی جانب سے پاکستان کے 26 اضلاع ہائی رسک قرار دیئے گئے ہیں۔ لاہور، فیصل آباد، گوجرانوالہ، بہاولپور، منڈی بہاؤالدین، ملتان، اوکاڑہ، رحیم یار خان، راولپنڈی، گجرات، شیخوپورہ، سرگودھا، سیالکوٹ، ٹوبہ ٹیک سنگھ متاثر، مظفر آباد، میر پور، کوٹلی، پشاور، سوات، نوشہرہ ، دیر لوئر، مالاکنڈ، صوابی، چارسدہ اور ہری پور ہائی رسک اضلاع میں شامل ہیں۔

یہ بھی پڑھیں: کورونا وائرس: منڈی بہاوالدین ہائی رسک والے اضلاع میں شامل

پاکستان میں کورونا کی ویکسینیشن جاری ہے اور دوسرے مرحلے میں 60 سال سے بڑی عمر کے افراد کو ویکسین لگائی جا رہی ہے۔ ملک بھر میں ایڈلٹ ویکسینیشن مراکز قائم کیے جا چکے ہیں اور ویکسینیشن کا تمام تر عمل ڈیجیٹل میکنزم سے کنٹرول کیا جائے گا۔ ویکسینیشن کے لیے پنجاب میں 189 اور سندھ میں 14 مراکز قائم کیے گئے ہیں جبکہ خیبر پختونخوا میں 280، بلوچستان میں 44 اور اسلام آباد میں 14 ویکسینیشن سینٹر قائم کیے جا چکے ہیں۔ آزاد کشمیر میں 25 اور گلگت بلتستان میں بھی 16 مراکز کے ذریعے ویکسینیشن کی جا رہی ہے

اپنا تبصرہ لکھیں