منڈی بہاﺅالدین( ایم.بی.ڈین نیوز 21مئی2021 ) ڈاکٹرز مسیحا ہوتے ہیں، جس نے ایک انسان کی جان بچائی گویا اس نے پوری کائنات کو بچایا۔ کنسلٹنٹ فزیوتھراپسٹ ڈاکٹر زریاب صفدر وڑائچ کی زیر نگرانی فری ایک روزہ میڈیکل کیمپ کا انعقاد کیا جا رہا ہے۔
تفصیلات کے مطابق ماہرامراض پٹھوں، جوڑوں، مہروں، اعصابی کمزوری ڈاکٹر زریاب صفدر وڑائچ نے بتایا ہے کہ اولڈ ڈی ایچ کیو ہسپتال منڈی بہاﺅالدین کے سامنے علی بوسال پلازہ، ڈاکٹر کلینک پر مورخہ 23مئی2021 بروزاتوار کو فری ایک روزہ میڈیکل کیمپ کا انعقاد کیا جا رہا ہے جبکہ مورخہ 30مئی 2021بروز اتوار کو فری ڈسپنسری ڈاکٹرز کلینک، نزد جامع مسجد فیضان مدینہ، پانڈووال میں بھی میڈیکل کیمپ لگایا جائے گا۔ جس میں مریضوں کو فری میڈیسن کے علاوہ مفت ٹیسٹ ( ہیپاٹائٹس بی، سی ، یورک ایسڈ ٹیسٹ) بھی کئے جائیں گے۔
کیمپ میں مفت طبی معائنہ، پٹھوں، جوڑوں،فالج، لقوہ ، مہروں کے مسائل ، آپریشن کے بعد جوڑوں کا جام ہو جانا، ، بچوں کی اعصابی کمزوری اور ٹیڑھے پاﺅں جیسے مسائل کے حل اور ادویات مفت مہیا کی جائیں گی۔ انہوں نے کہا کہ فری میڈیکل کیمپ کا مقصد عوام الناس کی صحت کیلئے طبی سہولیات کے ساتھ مفت ادویات کی فراہمی اور صحت کے حوالے سے آگاہی بھی فراہم کرنا ہے۔
