منڈی بہاﺅالدین ( ایم.بی.ڈین نیوز 22اپریل 2021) ڈپٹی کمشنر طارق علی بسرا نے علی الصبح شہر کی سبزی وپھل منڈی کا اچانک دورہ کیا اور بولی کے عمل کا جائز ہ لیا – انہوں نے مختلف دکانوں اور گوداموں کا معائنہ کرنے کے بعد اپنی نگرانی میں بھی پھلوں اور سبزیوں کی حکومت کے مقرر کردہ نرخوں پر نیلامی کروائی۔
اس موقع پر ڈپٹی کمشنر نے کہاکہ سبزی و پھل منڈی میں گزشتہ دنوں کی نسبت قدے کمی نظر آ رہی ہے ۔ انہوں نے واضح کیا کہ کسی کو بھی ناجائز منافع خوری کی ہر گز اجازت نہیں دی جائے گی۔ انہوں نے مارکیت کمیٹی کے افسران و اہلکاران کو واضح ہدایات جاری کرتے ہوئے کہاکہ وہ اپنی ذمہ داریاں احسن طریقے سے ادا کریں۔ انہوں نے کہاکہ حکومت پنجاب کی ہدایت کے مطابق عوام الناس کو مہنگائی سے ریلیف فراہم کرنے کیلئے تمام اقدامات کئے جارہے ہیں ۔
انہوں نے خبردار کیا کہ پھلوں اور سبزیوں کی قیمتوں میں ناجائز منافع خوری کرنے والوں سے سختی سے نمٹا جائے گا بالخصوص رمضان المبارک کے مقدس مہینے عوام کی اعلیٰ معیار کی سبزیاں اور پھل مناسب قیمتوں پر مہیا کرنے کیلئے پرائس کنٹرول مجسٹریٹس کو متحرک کیا گیا ہے جو باقاعدگی سے اشیائے خوردو نوش کی قیمتوں کو کنٹرول کر رہے ہیں۔ اس موقع پر ڈپٹی کمشنر نے سبزی منڈی کی مختلف آڑھتوں پر جا کر خود اپنی نگرانی میں سبزی و پھلوں کی بولی کروائی ۔
انہوں نے آڑھتی حضرات کو ہدایت کی کہ وہ مارکیٹ کمیٹی کی جانب سے طے شدہ قیمتیں ہی وصول کریں بصورت دیگر ذخیرہ اندوزوں اور ناجائز منافع خوروں کو قانون شکنی پر سزا بھگتنا پڑے گی۔انہوںنے مذید کہا کہ سبزیوں اور پھلوں کی قیمتوں کو کنٹرول کیاجا رہا ہے۔ پرائس ایکٹ کے تحت کسی کو بھی ذخیرہ اندوزی اور منافع خوری کی اجازت نہیں دی جائے گی اور خلاف ورزی کرنے والوں کے خلاف ایف آرز اور گرفتاریوں عمل میں لائی جائیں گی۔
