پولیس کا گوڑھا محلہ میں پتنگ بازی کیخلاف کریک ڈائون، پتنگیں، ڈور، شیشہ، سائونڈ سسٹم برآمد

گوڑھا محلہ میں پتنگ بازی کا خونی کھیل کھیلنے والوں کے خلاف کریک ڈوان. انچارج چوکی صوفی سٹی اے ایس آئی رضا الہیٰ بٹ اپنی ٹیم کے ہمراہ پتنگ فروخت کرنے والوں اور اڑانے والوں کے خلاف خود میدان میں آگئے اور ہر گلی محلے میں پتنگ بازوں کے خلاف خود کاروائی کی

اس موقع پر انہوں نے کہا کہ کسی بھی شہری کو غیر قانونی اور جان لیوا کھیل نہیں کھیلنے دیں گے اور اے ایس آئی رضا الہیٰ بٹ کا مزید کہنا تھا کہ شہری بھی پولیس کے ساتھ تعاون کریں تاکہ انسانی جانوں کو محفوظ کیا جا سکے۔ گوڑھا محلہ میں پتنگ بازوں کے خلاف بہترین کاروائی لاؤڈ سپیکر، ساؤنڈ سسٹم سمت بڑی تعداد میں پتنگیں، ڈور اور شیشہ برآمد.

یہ بھی پڑھیں: شہیدانوالی: پتنگ اڑانے کے دوران 18 سالہ نوجوان بجلی کی تاروں سے چھو کر جاں بحق

اہل گوڑھا محلہ نے پولیس کو بہترین کاروائی کرنے پر خراج تحسین پیش کیا۔ اہلِ محلہ کا کہنا تھا کہ ان اوباشوں نے ہماری راتوں کی نیند اور دن کا سکون چھین رکھا تھا۔ پتنگ بازی کے ساتھ ساتھ ساؤنڈ ایکٹ کی خلاف ورزی بھی کی گئی۔