پتوکی:گھریلوجھگڑے پرباپ نے5بچےنہر میں پھینک دیے

پتوکی کے علاقے میں باپ نے گھریلو تنازعے پر اپنے 5 بچوں کو نہر میں پھینک دیا۔

پولیس کے مطابق ملزم کا ہفتہ 5 دسمبر کی صبح بیوی سے جھگڑا ہوا تھا، جس کے بعد ملزم 5 بچوں کو اپنے ساتھ لے کر چلا گیا۔ ملزم نے راستے سے رکشہ روکا اور بچوں کو اس میں ساتھ لے کر جمبر نہر تک پہنچا اور 5 بچوں کو نہر میں پھینک کر رکشہ میں واپس روانہ ہوا۔

ملزم کو راستے میں اتار کر رکشہ والے نے 1122 پر پولیس اور ریسکیو ٹیموں کو اطلاع دی، جنہیں نے ملزم کو گرفتار اور بچوں کی تلاش شروع کی۔ ابتدائی طور پر موصول اطلاعات کے مطابق 2 سالہ بچے اور 4 سالہ بچی کی لاشیں نہر سے نکال لی گئی ہیں۔ لاشوں کو ضروری کارروائی کیلئے تحصیل ہیڈکواٹرز اسپتال منتقل کردیا گیا ہے، جب کہ دیگر 3 بچوں کی تلاش جاری ہے۔

ڈی ایس پی، ریسکیو اہلکار، غوطہ خوروں سمیت دیگر عملہ جائے وقوعہ پر موجود ہے۔ ملزم کو گرفتار کرکے تھانے منتقل کردیا گیا ہے۔ لاپتا بچوں میں 5 سالہ بیٹا، 7 اور 3 سالہ بیٹیاں شامل ہیں

اپنا تبصرہ لکھیں