منڈی بہاوالدین (ایم.بی.ڈین نیوز 17 مئی 2021) تحصیل پھالیہ کے گاؤں کوٹ ملتانیانوالہ کا رہائشی پاک آرمی کا سپاہی نہر آر کیو لنک میں نہاتے گہرے پانی میں ڈوب کر جاں بحق ہو گیا، ریسکیو ٹیم کا ڈیڈ باڈی کی تلاش کے لیے آپریشن جاری ہے۔
تفصیلات کے مطابق تحصیل پھالیہ کے تاریخی قصبہ ہیلاں کے نواحی گاؤں کوٹ ملتانیانوالہ کا رہائشی پاک آرمی کا سپاہی 24 سالہ قیصر فاروق بھٹی عید منانے کے لئے چھٹی لیکر گاؤں آیا ہوا تھا، دوستوں کے ہمراہ نہر آر کیو لنک میں نہانے گیا اور جیسے ہی نہر میں چھلانگ لگائی تو گہرے پانی نے اسے دوبارہ اوپر نکلنے کا موقع نہ دیا.
یہ بھی پڑھیں: ملکوال: چک نظام موڑ کے قریب 4 افراد دریائے جہلم میں ڈوب گئے
خاندانی ذرائع کے مطابق چھٹی ختم ہونے پر قیصر نے دوبارہ اپنی یونٹ کے آفیسر کو کال کر کے مزید دو دن کی چھٹی لے لی، مگر اس کے وہم وگمان میں بھی نہ تھا کہ دو دن کی چھٹی پاک آرمی سے نہیں بلکہ دو دن کی زندگی کی چھٹی ثابت ہو گی، حادثہ کی اطلاع ملتے ہی مقامی پولیس اور ریسکیو 1122 کی ٹیم نے موقع پر پہنچ کر ڈیڈ باڈی کی تلاش کے لیے آپریشن شروع کر دیا ہے
