ملکوال میں طالبات کیلئے نئے ہائی سکول کی منظوری، سکول سول ہسپتال کی پرانی عمارت میں بنایا جائے گا، وسیم چن

ملک وال(نامہ نگار ) ملکوال میں طالبات کیلئے نئے ہائی سکول کی منظوری ہو گئی ہے جو سول ہسپتال کی پرانی عمارت میں بنایا جائے گا ان خیالات کا اظہار سابق ایم پی اے اور تحریک انصاف کے رہنما وسیم افضل چن نے گزشتہ روز مقامی تاجر محمد شعیب بٹ کی اہلیہ کی وفات پر فاتحہ خوانی کے بعد میڈیا نمائندوں سے گفتگو کرتے ہوئے کیا .

وسیم افضل چن نے کہا کہ ملکوال کی آبادی قریباً ایک لاکھ سے زائد ہو چکی ہے جس کیلئے بچیوں کیلئے صرف ایک ہائی سکول تھا جو ناکافی ہے جبکہ عوامی حلقوں کی طرف سے عرصہ دراز سے ایک اور گرلز ہائی سکول کا مطالبہ کیا جا رہا تھا لیکن شہر میں کوئی سرکاری زمین نہ ہونے کی وجہ سے یہ منصوبہ کئی دہائیوں سے التوا کا شکار تھا.

تاہم اب تحریک انصاف کی حکومت نے یہ مطالبہ پورا کرتے ہوئے سول ہسپتال ملکوال کی پرانی عمارت عیدگاہ روڈ پر گرلز ہائی سکول کے قیام کی منظوری دیدی ہے جس پر جلد عملدرآمد ہو گا اس سے شہر اور گردونواح کے علاقوں کی سینکڑوں طالبات کو تعلیمی سہولت حاصل ہو گی

اپنا تبصرہ لکھیں