khad price in pakistan

غلہ منڈی سے 100 تھیلے یوریا قبضہ میں لے کر کسانوں میں فروخت

وزیر اعلیٰ پنجاب حمزہ شہباز کے احکامات کی روشنی اورڈپٹی کمشنر عثمان خالد خان کی سربراہی میں ضلع بھر میں کھادوں کی غیر قانونی زخیرہ اندوزی اور گراں فروشی کرنے والوں کے خلاف ایکشن جاری ہے۔

منڈی بہاوالدین ( ایم.بی.ڈین نیوز 2 جون 2022) لکی ٹریڈرز غلہ منڈی سے 100تھیلے یوریاقبضہ میں لے کر فوری طور پر سرکاری نرخوں پر ملکیت کے حساب سے کسانوں کو سیل کر دئیے گئے۔ ڈپٹی کمشنر نے خود موقع پر جا کر یوریا کھاد کے تھیلے اپنی نگرانی میں سیل کروائے۔

یہ بھی پڑھیں: اسسٹنٹ کمشنر نے گودام میں چھپائی گئی کھاد کی 400 بوریاں قبضے میں لے کر کسانوں میں فروخت کر دی

اس موقع پر ڈپٹی کمشنر نے متعلقہ افسران سے کہا کہ کھادوں کی سمگلنگ اور غیر قانو نی زخیرہ اندوزی کی روک تھا م کیلئے تمام تر وسائل بروکار لائے جا رہے ہیں ۔ غیر قانونی گودام مالکان اور ذخیرہ اندوزوں کے ساتھ آہنی ہاتھوں سے نمٹا جائے گا اور اس سلسلے میں کسی قسم کی کوتاہی ہرگز برداشت نہیں کی جائے گی۔

تمام ڈیلرز کھادوں کی فروخت سرکاری نرخوں پر کریں اور اس کا مکمل ریکارڈ بھی رکھیں۔ اس موقع پر ایڈیشنل ڈپٹی کمشنر ریونیو ڈاکٹر احسان الحق ضیاء، اسسٹنٹ کمشنر منڈی بہاوالدین کاشف جلیل اور دیگر افسران بھی موجود تھے۔

اپنا تبصرہ بھیجیں