محکمہ صحت کی ٹیم عطائی ڈاکٹروں کے خلاف ان ایکشن. ڈسٹرکٹ ہیلتھ آفیسر ڈاکٹر الیاس گوندل کی سربراہی میں ڈسٹرکٹ ڈرگز کنٹرولر محمد افضل ندیم ،ڈسٹرکٹ ہیلتھ آفیسر ڈاکٹر محمد افتخار اور ڈپٹی ڈسٹرکٹ آفیسر ہیلتھ ڈاکٹر خالد عباسی پر مشتمل محکمہ صحت کی انسداد عطائیت ٹیم کی کاروائی.
منڈی بہاءالدین (ایم.بی.ڈین نیوز 19 اپریل 2022) تحصیل منڈی بہاوالدین کے مختلف علاقوں میں عطائی ڈاکٹروں کے کلینکس پر کامیاب چھاپے مار کر 4 عطائی ڈاکٹروں کے قبضہ سے غیر قانونی ادویات استعمال شدہ سرنجز ڈیکسامیتھاسون جیسی ادویات کے غلط استعمال پر 4 عطائی کلینکس سیل کر کے ان کے خلاف چالان پنجاب ہیلتھ کیئر کمیشن کو بھجوا دیئے گے.
اسی طرح تحصیل ملکوال کے مختلف علاقوں میں ڈاکٹر فرخ محمود نے اپنی ٹیم کے ہمراہ عطائی ڈاکٹروں کے کلینکس سیل کر کے ان کے چالان پنجاب ہیلتھ کمیشن کو بھجوا دیئے .
ڈسٹرکٹ ڈرگز کنٹرولر محمد افضل اور ڈی ایچ او ڈاکٹر محمد افتخار نے میڈیا ٹیم کو بریف کرتے ہوئے اس عزم کا اعادہ کیا کہ شہر کے مختلف علاقوں سے مسلسل ریڈز کر کے عوام کو ان عطائی ڈاکٹروں سے نجات دلائی جائے گی اور انہوں نے مزید کہا کے عطائیوں کے بارے معلومات فراہم کرنے والوں کا نام صیغہ راز میں رکھا جائے گا.
Leave a Reply